2.Hazrat Ali ke Mutalliq Ek Mouzoo Rivayat ki Wazahat

 *اک موضوع ۔ من گھڑت روایت کی وضاحت*

السلام عليكم ورحمة الله وبركاته

حَدَّثَنَا الْحَسَنُ قثنا أَحْمَدُ بْنُ الْمِقْدَامِ الْعِجْلِيُّ قثنا الْفُضَيْلُ بْنُ عِيَاضٍ قثنا ثَوْرُ بْنُ يَزِيدَ، عَنْ خَالِدِ بْنِ مَعْدَانَ، عَنْ زَاذَانَ، عَنْ سَلْمَانَ قَالَ: سَمِعْتُ حَبِيبِي رَسُولَ اللَّهِ صَلَّى اللهُ عَلَيْهِ وَسَلَّمَ يَقُولُ: «كُنَّا أَنَا وَعَلِيٌّ نُورًا بَيْنَ يَدَيِ اللَّهِ عَزَّ وَجَلَّ، قَبْلَ أَنْ يَخْلُقَ آدَمَ بِأَرْبَعَةَ عَشَرَ أَلْفَ عَامٍ، فَلَمَّا خَلَقَ اللَّهُ آدَمَ قَسَمَ ذَلِكَ النُّورَ جُزْءَيْنِ، فَجُزْءٌ أَنَا، وَجُزْءٌ عَلِيٌّ عَلَيْهِ السَّلَامُ» 

( كتاب فضائل الصحابة لأحمد بن حنبل :- 1130 )

ترجمہ :- حضرت سلمان فارسی رضی اللہ عنہ سے روایت ہے کہ انہوں نے کہا: میں نے اپنے محبوب کریم رسول صلی اللہ علیہ وسلم کو یہ فرماتے ہوئے سنا: میں اور علی اللہ تعالیٰ کی بارگاہ میں ایک نور تھے، آدم علیہ السلام کی تخلیق سے چودہ ہزار سال پہلے جب اللہ تعالیٰ نے آدم کو پیدا کیا تو اس نور کو دو حصوں میں تقسیم کیا، ایک حصہ میں ہوں اور ایک حصہ علی ہیں۔

[ *موضوع :-:* " الحسن بن علي العدوي " احادیث گھڑنے والا کذاب راوی ہے ]

➊ امام ابن عدی جرجانی رحمہ اللہ فرماتے ہیں :

يضع الحديث ويسرق الحديث وللعدوي على أهل البيت أحاديث قد وضعها غير ما ذكرت وعامة ما حدث به العدوي الا القليل موضوعات 

یہ احادیث گھڑتا اور چوری کرتا ہے عدوی نے اہل بیت رضوان اللہ علیہم اجمعین پر احادیث کو گھڑا ہے ہم نے اس سے جتنی روایات کو ذکر کیا وہ ساری منگھڑت ہیں سوائے چند کے ..

( الکامل فی الضعفاء 2/338 )

➋ امام ابن حبان رحمہ اللہ فرماتے ہیں :

لا يشك أن حديثه موضوع

اس میں کوئی شک نہیں کہ اس کی مرویات من گھڑت ہوتی ہیں 

( كتاب المجروحين لابن حبان ت زايد 1/241 )

➌ حسین بن علی الطوسی رحمہ اللہ نے فرمایا :

كذاب على رسول الله صلى الله عليه وسلم 

یہ نبی علیہ الصلاۃ والسلام پر جھوٹ بولتا ہے 

( كتاب سؤالات حمزة للدارقطني :- 284 )

➍ امام عبد الحی بن العماد الحنبلی رحمہ اللہ نے بھی اس کو کذاب کہا .

( شذرات الذهب في أخبار من ذهب 2/481 )

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اسی طریق سے مغازلی نے مناقب میں اور ابن عساکر نے تاریخ میں نقل کیا ہے ..

یہ روایت من گھڑت ہے اس کی نسبت نبی علیہ السلام کی طرف کرنا قطعاً جائز نہیں .

فقط واللہ ورسولہٗ اعلم بالصواب

خادم اہلسنت و جماعت محمد عاقب حسین رضوی📚